Vamos amanecer con nubes baxes que rápido se colarán y van dar pasu a intervalos de nubes altes el restu de la mañana. Pero, a partir de les 13 o 14 hores, la nubosidad más compacta va entrar pel oeste y va estendese por tola rexón. Va dexar agües xeneralizaes y abondoses.
Avisu mariellu en tol Principáu salvu na franxa costera por posibilidá d’hasta 40 llitros per metro cuadráu en 12 hores. Los vientos acabarán afitándose de noroeste pela tarde y prevese un esbarrumbe térmicu tres el pasu del frente.
