Marzu, un bon mes para ver aurores boreales n’Asturies

Les aurores boreales son unu de los fenómenos naturales más atanantes. Cada vez más persones anímense a faer viaxes a Laponia o Alaska coles mires de ver y fotografiar esti espectáculu de lluz y color. Anque ye más senciellu veles pel hibiernu (nueches más llargues y escures), l’equinocciu de primavera y la particular actividá solar que va tener llugar anguaño neses feches va faer posible qu’estes puedan guardase nesti mes de marzu.

Sicasí, nun va ser necesariu viaxar a la otra punta del mundu para llograr una bona instantánea, va ser posible veles n’España y, concretamente, n’Asturies, unu de los meyores enclaves para esfrutar d’elles. Yá’l pasáu xineru foi posible y paez que se va a poder repitir la ocasión. Pero cuidáu, si nun hai actividá solar suficiente igual nun ye posible. La naturaleza ye asina de caprichosa.