Más de mediu centenar de persones participaron na iniciativa pa restaurar el costume del cantar nos chigres, que coincide col 40.º aniversariu de la Banda de Gaita Villaviciosa-El Gaiteru. LNE
José Tronco, natural de Cangas y residente dende va años en Villaviciosa, foi’l primeru n’arrincase a cantar. Interpretó, en caleciendo l’ambiente’l soníu de la gaita y el tambor, la tema popular “Yá sabes que tengo gaita”, tamién conocíu como “El gaiteru”. “Ye una idea bien guapa, estraordinaria, una manera ideal de promover la cultura y la tradición”, señaló sobro la iniciativa de “La Villa EnToná” , celebrada esti domingu per primer vegada poles cais y chigres de la capital maliayesa con gran ésitu.
Trátase d’una propuesta impulsada pola Asociación d’Intérpretes de Cantar Asturianu (AICA) cola collaboración d’otros colectivos y mientres abargana de trés hores los cancios, los bailles y el soníu de la gaita, el tambor, la pandereta y l’acordión alternando polos chigres y cais de la capital maliayesa.
