ZUNA: Costume o tradición. Una zuna ye una manía, y caltién un puquiñín del sentíu orixinal, nesi viaxe que fizo dende Arabía hasta Asturies.
AFAYADIZU: Afayadizu o afayaízu ye la manera de dicir que se tá contentu nun llugar o que algo ye fácil d´usar. Palabra que se pon de exemplu de «inventu» pero que ye una de les más estendíes per toda Asturies.
FOLIXA: La palabra inglesa fool (llocu) y l´asturiana folixa comparten el mesmu orixe.
RABILAR: Una d´eses palabres que tán tan metíes nel nuestro ADN que ye difícil traduciles al castellano. Algo asemeyáu sería dicir «manipular».
FRIXUELU: Los frixuelos son un clásico de la nuestra gastronomía
ALGAMAR: Algamar ye la otra forma de dicir alcanzar n´asturiano.