El 18 de mayu celebramos el Día Internacional de los Museos cola entrada gratuita tol día, visita empuesta a les 12:00 hores y agasayo d’un llibru sobro cultura asturiana. En 1977, el Conseyu Internacional de Museos (ICOM) escoyó esi día pa concenciar sobro la so relevancia social. El de 2023 ye «Museos, sostenibilidá y bienestar» y pon l’acentu na nuesa capacidá pa contribuyir a llograr los 17 Oxetivos de Desenvolvimientu Sostenible y ameyorar la vida de les persones. Nestos enllaces podéis ampliar tola información:
- https://icom.museum/…/dia-internacional-de-los-museos…
- https://www.un.org/…/objetivos-de-desarrollo-sostenible/
-
Museo Etnográfico del Oriente de Asturias
Cada añu dende 1977, l’ICOM entama’l Día Internacional de los Museos, un momentu escepcional para la comunidá museística internacional.
L’oxetivu del Día Internacional de los Museos (DIM) ye concenciar sobro’l fechu de que los museos son un importante mediu pal intercambiu cultural, l’arriquecimientu de les cultures, según pal desenvolvimientu de la comprensión mutua, de la collaboración y de la paz ente los pueblos. Entamaos cada 18 de mayu o alredor d’esa fecha dende fai más de 40 años, los eventos y actividaes entamaos pa celebrar el DIM pueden durar un día, una fin de selmana o inclusive tola selmana. Cada vez son más los museos por tol mundu que participen nesta celebración mundial: l’añu pasáu fueron 37.000 museos los que tomaron parte nel eventu en 158 países y territorios.
“Museos, sostenibilidá y bienestar”
Los museos contribúin de manera fundamental al bienestar y al desenvolvimientu sostenible de les nueses comunidaes. Como instituciones d’enfotu ya importantes filos nel nuesu texíu social compartíu, tán nuna posición única pa crear un efectu cascada que fomente’l cambéu positivu. Los museos pueden contribuyir de munches maneres a la consecución de los Oxetivos de Desenvolvimientu Sostenible: dende’l sofitu a l’acción climática y el fomentu de la inclusión, hasta la llucha contra l’aislamientu social y la meyora de la salú mental.
