1936: Detención y execución de Federico García Lorca en Granada.
Dos díes depués de ser arrestáu na vivienda del poeta Luis Rosales, l’autor de Bodes de sangre foi conducíu al términu municipal de Víznar por miembros de la milicia Acción Popular y de la Guardia d’Asaltu sublevada contra la Segunda República Española.
El so espediente policial xustificaba’l fusilamiento sumariu por actividaes de propaganda política y conducta tipificada pol bandu militar como delitu contra la moral pública.
El cuerpu de García Lorca foi refundiáu a una fuesa común na redoma de la Fonte Grande al pie de los restos del maestru d’escuela Dióscoro Galindo y los banderilleros anarquistes Francisco Galadí y Joaquín Arcollas; les escavaciones forenses realizaes ente 2009 y 2014 na zona nun llograron allugar los sos restos ósevos.
Lorca n’Asturies. En septiembre de 1932 el poeta y dramaturgu visitaba Grao, Avilés, Uviéu y Cangues d’Onís para actuar col so grupu teatral La Barraca.
Tres una actuación daqué accidentada n’El Parche d’Avilés, marcada por unu discutiniu ente dalgunos de los asistentes al espectáculu, el domingu la compañía llegaba a la capital asturiana invitada pol Atenéu Popular d’Uviéu.
Les fuerces vivas de la ciudá recibiríen na Universidá a los teatreros con honores casi de xefes d’Estáu. El programa sería bien completu: ufrienda floral al monumentu a Clarín del Campu San Francisco, visita a la Catedral y la Cámara Santa, y el llunes al monte Naranco y los monumentos prerrománicos en compañía del delegáu de Belles Artes de la provincia, Aurelio del Llanu de la Roza y del escultor Víctor Hevia.
La función del cuatro de setiembre n’Uviéu tendría llugar de tarde na Plaza del Fontán, qu’estelaría a Lorca por asemeyase enforma a una corrolada de comedies del Sieglu d’Oru, como declararía al diariu Rexón: “Otra cosa notable ye la plaza onde llevantamos l’escenariu. Un verdaderu marcu onde Cervantes va tar nel so propiu ambiente”.
