Qué ye… / El so fin ye crear conciencia social sobro esta discapacidá intelectual, reivindicando les sos aportaciones, derechos ya independencia, y sofitando la so crecedera personal. Un añu más, felicitamos a Down Principado de Asturias pol so inmensa llabor 
VER CAMPAÑA / #21DeMarzo #downasturias #NoSoyYoEresTú
#NoSoyYoEresTú recrea, en clave d’humor, situaciones de la vida cotidiana a les que los nuesos protagonistes tuviéronse qu’enfrentar dalguna vegada nel colexu, nel so trabayu, n’una visita al médicu ya inclusive na so redolada más cercana solu por tener síndrome de Down.
El trabayu con sofitu, una oportunidá
pa persones con Síndrome de Down n’Asturies.
El trabayu con sofitu ye una modalidá orientada al inxerimientu llaboral de persones con Síndrome de Down. N’Asturies hai 14 empreses que collaboren con esti programa que da trabayu a 20 persones, toes con contratu indefiníu.
Güei celébrase’l Día Internacional del Síndrome de Down y TPA Noticies quixo conocer cómo ye la so xornada de trabayu, en concreto la de Yara Menéndez y Andrea Fernández.
Yara tien 28 años trabaya nel Colexu de Farmacéuticos d’Asturies y Andrea de 38, lleva siete años nel Institutu Oftalmolóxicu Fernández-Vega.
Son dos de les 20 persones con Síndrome de Down que tienen un trabayu nuna de les empreses collaboradores cola Fundación Down Asturies.
Formen parte del programa trabayu con sofitu y el so enfotu y dedicación al trabayu dexólos tener un contratu indefiníu, anque nos confiesen qu’esti nun foi’l so primer trabayu.
Suponen un sofitu fundamental pa les empreses y el so inxerimientu supunxo un deprendizaxe pa toos, destaquen Diego González, encargáu de facturación nel Colexu Oficial de Farmacéuticos d’Asturies, y Serafín Antón, encargáu del departamentu de caltenimientu nel Institutu Oftalmolóxicu Fernández-Vega.
N’España, 23.000 persones con Síndrome de Down tán n’edá de trabayar, pero namás el 9% tien trabayu. Por ello güei, más que nunca, reivindiquen el so derechu a un trabayu dignu y una vida lo más autónoma posible.
