‘La resultancia ye dignu y cumple coles mires de que cuando daquién llegue al castru tenga la posibilidá d’entender meyor la ruina’, señala l’arqueólogu Ángel Villa. La colección modernizóse y inxertáronse pieces recuperaes nes últimes décades. LNE Galería /
Castru de Cuaña: wiki / Bien d’Interés Cultural / web Castros d’Asturies / Turismu
Dalguna de les pieces tien más de 2.500 años. Son restos de cacía alcontraos nel Castru de Cuaña y que dende güei formen parte de la colección que s’amuesa nel Centru d’Interpretación del yacimientu. Reabre les sos puertes dempués de tar zarráu cerca de dos años.
- El visitante podrá conocer más sobre la so historia gracies a nuevos paneles, con información más accesible y moderna. Podrá sentise más cerca de los habitantes del castru viendo de cerca, por exemplu, morteros esenciales a la hora de cocinar.
- Tola información pue tenerse agora en castellanu y gallego-asturianu, pero tamién n’inglés y asturianu, gracies a los códigos QR.
- El centru reabre nel Día de los Museos con más espaciu pa los trabayadores, con zones d’actividaes y una imaxe anovada dafechu gracies a una inversión cercana a los 150.000 euros.
- El centru d’interpretación siguirá abriendo les sos puertes de miércoles a domingu.
Nesta actualización d’esti espaciu inauguráu en 1993 invirtiéronse 195.000 euros. «El rediseñu interior yera un retu que se consiguió y ye unu prestu enorme ver cómo queda esta aula, que ye una estensión del Arqueolóxicu en Cuaña», señaló la conseyera de Cultura, Vanessa Gutiérrez, que defendió El Castelón o Castrillón de Villacondide como «una pieza fundamental del patrimoniu arqueolóxicu asturianu».
La conseyera de Cultura, Política Llingüística y Deporte, Vanessa Gutiérrez, inauguró esti llunes, con motivu del Día Internacional de los Museos, la remodelación de l’aula didáctica del castru de Cuaña, tamién conocíu como Castriyón de Villacondide, tres una inversión de 195.000 euros.
