RTPA / LNE / L’HUCA trespórtase al futuru meyorando la so accesibilidá peatonal y n’autobús.
Diez años dempués de la so inauguración, l’Hospital Universitariu Central d’Asturies (HUCA) va ver meyoraes dende mañana la so accesibilidá peatonal y n’autobús cola puesta en serviciu de los tapices rodantes que faciliten la llegada al edificiu de Consultes Esternes y l’intercambiador de tresporte públicu colos que’l centru sanitariu «trespórtate al futuru», según el presidente del Principáu, Adrián Barbón.
Xunto a la delegada del Gobiernu, Adriana Lastra, y el conceyal d’Infraestructures d’Uviéu, Ignacio Cuesta, Barbón inauguró esti vienres dambes infraestructures que supunxeron una inversión conxunta de 3,9 millones d’euros procedentes de fondos europeos Next Generation nunu de los nuedos urbanos de movilidá con mayor intensidá de viaxeros del Principáu.
L’intercambiador, con un costu de 1,3 millones, habilita un espaciu d’espera más alcontradizu a los usuarios del tresporte públicu y cuenta con una superficie de 300 metros cuadraos onde tien moblame y servicios como la recarga eléctrica o aparcamientos pa bicicletes a los que se van sumar otros nuevos como l’aséu autollimpiable.
La infraestructura tien dos dársenes d’embarque: una pa los servicios interurbanos del Consorciu de Tresportes d’Asturies (CTA), y otra pa los municipales de la empresa TUA y calcúlase que nuna xornada llaborable van parar na mesma 436 autobuses, mientres que los servicios especiales destinaos al personal del HUCA van caltener la so parada actual cabo la capiya de La Cadellada.
La so puesta en serviciu implica que les paraes d’autobús allugaes hasta agora na cai L’Aldea Cerdeño, nel llateral de Consultes Esternes, treslládense al nuevu equipamientu, asitiáu na vía Juan Antonio Álvarez Rabanal, lo que dexa alloñar del recintu sanitariu unos 150.000 autobuses al añu y amenorgar la contaminación y el ruíu.
