- Alborecemos con intervalos de nubes altes y delles nublines no fonderu los valles con unes temperatures que tan alrodiu de los 10ºC, rexistrándose nel puirtu Payares 9,4ºC.
- Güei vamos tener dalgo de nubosidá alta entemecía ente dellos claros o abancios que sedrá más abondosa pela tarde con unes temperatures n’ascensu con másimes qu’algamarán los 20ºC.
- Mañana domingu vamos tener el cielu nuboso o práuticamente cubiertu con apertura de dellos claros al mediudía. Les temperatures camudarán poco o subirán les mínimes calteniéndose un ambiente afayaizu.
- El llunes predominarán los grandes claros, sobre too a partir del mediudía que mos dexarán un día soleyeru amás d’un ascensu moderáu de les temperatures con másimes ampliamente perriba de los 20ºC.
- Martes, miércoles ya xueves seguiremos baxo la influencia de la dorsal anticiclónica que mos dexará un timepu estable y temperatures perriba de lo normal pa les feches nes que mos atopamos. Paez que la fin de selmana viniente pue estropease’l tiempu con precipitaciones, descensu de les temperatures y dalgo de nieve nes cumes más altes de la cordelera pero esto yá lu diremos viendo.