RTPA / El Castru de Taramundi incorpórase al llistáu de Bienes d’Interés Cultural. Remata asina una propuesta anunciada n’agostu de 2024. #cultura #castro #BIC #Taramundi #Asturias #TPA_CR
El castru de Taramundi va incorporase al llistáu de Bienes d’Interés Cultural del Principáu nos próximos díes. Asina lo comunicaba esta mañana la conseyera de Cultura, Vanessa Gutiérrez, na so visita al xacimientu. Remata asina una propuesta anunciada n’agostu de 2024.
Un nomamientu nel que tamién s’inclúi la ferrería d’A Veiga de Escouredo, venceyada al castru pero anguaño ensin escavar y onde apocayá acababen les obres de meyora d’accesibilidá gracies a un conveniu de collaboración ente Conceyu y Conseyería de Cultura.
Actuación que consistió na renovación de la pasarela de madera y la estabilización de la lladera contribuyendo a la meyora de la percepción y la visibilidá. Amás, anuncióse la intención de retomar les escavaciones en 2027.
Una intervención que supunxo una inversión de 90.000 euros.
