- El Tiempu n’Asturies./ Mapa: Eltiempo.es
Alborecemos con nubes ya claros o abancios ya con unes temperatures que tan alrodiu de los 12ºC, rexistrándose nel puirtu Payares 8,1ºC. Güei vamos tener cielu nuboso entemeciu ente dellos claros con unes temperatures que siguen n’ascensu, sicasí nel llitoral l’aire nordés pue soplar cafiante y baxar la sensación térmica.
- Mañana miércoles cada vegada veremos menos nubes y el cielu va tar más escampláu faciendo que la llume del sol calezca l’ambiente y suban les temperatures, amás l’aire nordés tiende amenorgar.
- El xueves ya vienres cola llegada d’una masa mui cálida del norte d’África van disparase les temperatures qu’algamarán los 30ºC en munches zones d’Asturies. Ye probable que surdan nublines de advención na primer llinea de costa por mor del contraste de temperatura ente la mar y la tierra y tamién ye probable que surdan nubes de desendolque pela cordelera y mos dexen dalgún xarabatu tormentosu dispersu por mor del calor.
- Entovía hai munches duldes en cuantu a la fin de selmana, según onde se situe l’embolsamientu d’aire fríu n’altor (DANA) podría dexanos xarabatos tormentosos o non. Esto yá lu diremos viendo.
