- Alborecemos col cielu nuboso y delles tormentes nel estremu orienta y ocidental d’Asturies con unes temperatures que tan alrodiu de los 17ºC, rexistrándose nel puirtu Payares 9,3ºC.
- Güei vamos tener xarabatos irregularmente repartios ya intermitentes que puen tener calter tormentosu y ser más probables na fastera oriental d’Asturies con tendencia a remitir y desaparecer al final del día. Les temperatures en descensu y l’aire de componente norte con dalguna racha moderada.
- Mañana domingu aniciamos un camudu radical del tiempu, escamplará y subirán les temperatures, nel cielu tendremos escasa nubosidá, sicasí a primeres hores puen surdir nublines ya borrinos no fonderu los valles con un ambiente afayaizu, sin pasar calor con unes temperatures másimes que malpenes algamarán los 25ºC.
- El llunes seguiremos col cielu poco nuboso o escampláu y con unes temperatures que siguen subiendo y yá de cara al martes ya miércoles volveremos a pasar de los 30ºC que mos dexará un ambiente chornosu ya poco prestosu.
De cara a la viniente fin de selmana paez que refrecará y llovera dalgo pero esto yá lu diremos viendo.
- ESTADO DE LA MAR:
- N’agues d’Asturies vamos tener vagamar o marexada que sedrá más importante na fastera oriental onde vendrá acompangada de xarabatos tormentosos con foles que puen algamar los 2,5m d’altor.
- La prósima pleamar vamos tenela a les 14:49h y la baxamar sedrá a les 21:03 con un coeficiente baxo colo que les marees sedrán suaves.
- La temperatura del agua del mar ta a unos 21ºC, tando dalgo más alta, como ye vezu, na fastera oriental y dalgo más baxa na ocidental.
