Esta selmana conocimos que los campeones del mundu Dani Olmo o Unai Simón siempres lleven el tableru d’axedrez en toles concentraciones. Dos deportes, fútbol y axedrez que puen paecer bien distintos, anque non tanto.
L’Open Internacional d’Axedrez Ciudad d’Uviéu que se celebra hasta’l domingu nel Calatrava. Un alcuentru qu’axunta hasta’l domingu a más de 240 participantes de 26 países. Tou un retu d’organización, cuasi más qu’un mundial de fútbol, esplica Alberto Llaneza, director del Open Internacional Ciudá d’Uviéu d’Axedrez.
Un deporte nel que’l campu nun necesita yerba, onde nun fai falta llevar chándal nin ser un galgu corriendo. Anque sí ye verdá que comparte munches semeyances col fútbol. Pasión, creatividá, instintu o estratexa. Confírmenlo’l participante más mayor del tornéu d’Uviéu, Luis Palacios, de 82 años y la más moza, Nahia Horcajada, de 8 años.
Anque te dean xaque mate, nel axedrez siempres s’acaba con un apretón de manes.
