El Parque de la Vida de Valdés cierra depués de tres décades de divulgación científica.
Trenta años dempués de la so inauguración el Parque de la Vida recibe güei a los sos postreros visitantes. La razón, esplica’l so creador Luis Laria, la falta de sofitu institucional na promoción d’esti proyectu de divulgación sobre’l mediu ambiente y la enerxía anovable.
Demandes que’l Conceyu de Valdés comprometióse a estudiar tres d’una xunta caltenida apocayá ente les partes. De cumplise, Laria nun refuga la reapertura l’añu que vien.
Una decisión, señala Laria, meditada y firme. El parque ye la so vida y va siguir, avanza, pero non d’esta forma.
Con 16 esposiciones permanentes, el Parque de la Vida convirtióse nel principal atractivu museísticu del occidente. Cada añu pasen per estes instalaciones miles de persones.
Visitantes que siguen llegando ensin fuelgu y que nun s’acaben de creer que son los postreros en triar esti requexu asegura Jaime Peláez.
Nes últimes hores d’un proyectu únicu, munchos esperen que seya un hasta llueu y non un adiós definitivu.
