«Para un montón d’asturianos,
mientres munchos sieglos,
si nun había llingua nun había identidá«
🏛️ La conseyera de Cultura, Política Llingüística y Deporte, Vanessa Gutiérrez, presidió nel RIDEA l’actu de recepción de Xuan Xosé Sánchez Vicente como miembru correspondiente de la institución. LNE
🗣️ Nel mesmu, resaltó’l papel fundamental de Sánchez Vicente na reivindicación de los derechos llingüísticos, na construcción de l’autonomía asturiana y nel impulsu d’instituciones y polítiques culturales esenciales pa entender l’Asturies actual. Tamién punxo en valor la so trayectoria como creador, investigador y una de les voces más llúcides y comprometíes cola identidá y la cultura asturianes.
🗺️ La conseyera fixo referencia amás al trabayu de recuperación de la memoria de la emigración asturiana realizáu por Sánchez Vicente y recordó’l papel decisivu que les comunidaes emigrantes tuvieron na conservación de la llingua y de les manifestaciones culturales asturianes nos momentos más difíciles de la nuestra historia.
📌Al actu asistió tamién el director xeneral d’Acción Cultural y Normalización Llingüística, Antón García.
