El Campanu del Narcea foi prindáu por Miguel Corral González nel pozu El Viso barganal de Quinzanas (Pravia) con un pesu de 5,5 Kg. #CampanudelNarcea
L’Ayuntamientu de Salas, la empresa Coespi y la Sociedá de pescadores las Mestas del Narcea en decidiendo suspender la puya, van donar 9.000 euros al pescador del Campanu del Narcea n’apurriendo l’exemplar vivu al Proxecto Arca de la Sociedá Les Mestes del Narcea.
El Campanu del Narcea ye indultáu. El primer salmón del añu nesti ríu foi donáu vivu al proxecto ARCA que dende 2015 busca repoblar la cuenca fluvial del Narcea. . #pesca #campanu #Narcea #Pravia #Asturias #TPA_CR
Amás, el Conceyu de Salas va agasayar al pescador con material de pesca valoráu en 2.000 euros y Casa Ricardo de Cornellana con una comida para dos persones nel so restorán.
El pescador llogró echar a tierra al salmón en redol a les 9.30 hores. Fízolo nel pozu El Viso, una zona «favorable» para la pesca. «Tienes zona onde echalo fuera». Prindáu a cebu, el salmón recupérase agora nel Centru d’Alevinaje de la sociedá Les Mestes del Narcea. «El salmón llegó bien y faemos tolo que podemos por que siga en bones condiciones.
Agora, hai qu’esperar a mañana para ver si sobrevive», afirmó’l so presidente, Enrique Berrocal. La intención ye que’l salmón sirva para siguir coles repoblaciones del ríu. En casu de que nun sobreviva, va ser donáu a la familia de Jesús Fernández, vicepresidente de la entidá fináu fai apenes dos selmanes.
