Publicado en Alimentos, Tradiciones

L’Amagüestu y la farina de castañes…

🌰🔥  Una d’eses tradiciones que se güelen dende la otra parte del pueblu. Esta celebración repítese n’otros rincones del norte de la península con distintos nomes y una mesma idea: celebrar la llegada de la seronda, disfrutar de les castañes y la bona compañía. Farina de castaña/ Porque hai costumes que merez la pena siguir celebrando añu tres d’añu. ¡Puxa l’Amagüestu! ¡Puxa Asturies! 🧡💛#AsturiesPalMundu #Amagüestu #Asturias #TradicionesAsturianas #OtoñoEnAsturias

La farina de castaña ye un productu ensin gluten ellaboráu puramente con castañes seques deshidratadas y molíes, caracterizada pol so sabor duce y el so baxu conteníu en grasa (menos del 5%). Ye un alimentu enerxético, ricu n’hidratos de carbonu, fibra y minerales como potasiu y magnesiu, ideal pa repostería, panadería y como espesante natural en mueyos/salses.

La farina de castaña déxanos preparar dellos alimentos con un carbohidratu únicu y diferente. Nun puntu bastante alloñáu de la historia, esti productu tuvo una relevancia similar a la de la farina de trigu na actualidá.

Munchos poblaos europeos de la Edá Media utilizaron esti alimentu como fonte principal de carbohidratos. Ellí onde yera difícil atopar otres ceberes, la castaña convirtióse na fonte calórica principal. Esto ocurría bastante en dellos pueblos montascosos d’Italia, Francia, España y Turquía. Sociedaes enteres fueron sofitaes a partir d’esta materia primo alimenticia hasta qu’empecipió una plaga que casi escasta a estos frutos por completu.

En tol norte del territoriu español conozse perbién esti alimentu, calteniéndose delles costumes alredor d’él. El Magosto ye una fiesta que comparten delles comunidaes y nesta celebra la recueya d’esti frutu. En Salamanca, Galicia, Cantabria, Asturies, Cáceres y otros poblaos cercanos esto ye parte d’una tradición tresmitida ente delles xeneraciones. Detrás d’esta festividá fái honor al pasáu célticu y ríndese cultu a les persones que dexaron esti mundu. N’Asia tamién se conoz esti productu natural y de fechu China ye na actualidá’l mayor productor de castañes nel mundu.

La farina de castaña ye muncho menos calórica que productos similares fechos a base de trigu o maíz. Tien menos proteínes pero tamién menos grases, lo cual ye un puntu a favor si se deseya baxar el pesu corporal. Pero esti ye solo l’empiezu, pos esti productu tien múltiples ventayes y hasta ciertes propiedaes curatibles. Aquellos que preparen dulces con esti alimentu puen utilizar menos cantidá d’azucre procesada nes sos pieces, o inclusive nun usala. Otra ventaya bien importante ye qu’esti frutu ye totalmente llibre de gluten, lo cual ye una escelente noticia pa celíacos, persones con alerxes y demás condiciones de salú.

Autor:

Maestra de Llingua Asturiana Colexu Carmen Ruiz-Tilve - Uviéu