Fiebre pol gran eclís, que yá se puede ver simuláu nel planetariu de Xixón: «Ayuda a entender un fenómenu complexu». L’alcaldesa, Carmen Moriyón, y el rector, Ignacio Villaverde, destaquen la collaboración institucional para recuperar un equipamientu «bien demandáu» polos asturianos. Va haber trés sesiones diaries el 4, 6, 7 y 10 d’agostu, con un aforu de 42 persones caúna. LNE
Asturies prepárase para unu de los acontecimientos astronómicos más relevantes del últimu sieglu cola reapertura al públicu de del planetariu de Xixón, allugáu na Escuela de Marina. Un equipamientu qu’espertó muncha espectación a poques selmanes del eclís solar total del próximu 12 d’agostu.
«Esti planetariu yera daqué bien demandáu pola ciudadanía y comprometiéramos, nel marcu del conveniu cola Universidá d’Uviéu, a contribuyir a la divulgación de l’astronomía», afirmó Carmen Moriyón.
L’interés social quedó patente dende’l primer momentu. Según detalló Moriyón, les más de 500 entraes puestes a disposición del públicu escosense en menos de cuatro minutos». «El nuesu compromisu ye siguir trabayando por que, a partir de setiembre, los colexos y les persones polo xeneral puedan amontar estes xornaes», añedió. Va haber trés sesiones diaries el 4, 6, 7 y 10 d’agostu, con un aforu de 42 persones caúna.
La reapertura llega acompañada d’un programa específicu de divulgación. En total, entamáronse una docena de sesiones previes al eclís, concebíes para esplicar al públicu’l fenómenu dende un enfoque didácticu. «El planetariu dexa asemeyar la bóveda celeste y reproducir eclises, lo que facilita entender un fenómenu complexu d’una forma accesible», señaló’l rector.
Javier de Cos, director del Institutu de Ciencies y Tecnoloxíes Espaciales d’Asturies (ICTEA), foi l’encargáu de faer la primera simulación del eclís dende’l planetariu xixonés. «Suelen ser un fenómenu habitual a lo llargo del añu, lo difícil ye que se vean dende un llugar habitáu», esplicó’l catedráticu. Ello ye que Asturies va ser una rexón especialmente privilexada. «Del Despeñaperros para embaxo, l’eclís va ser parcial, al igual qu’en Francia», apuntó.
