Publicado en Día de...

Día Internacional de les Llingües de Señes

L’Asamblea Xeneral de les Naciones Xuníes estableció la fecha para promover la reconocencia d’estes llingües y visibilizar la so importancia nel exerciciu de los derechos humanos de les persones sordes. #DiaInternacionaldeLenguadeSeñas

Una fecha proclamada pola Asamblea Xeneral de les Naciones Xuníes en 2017 para concenciar sobro la importancia de les llingües de señes na realización plena de los derechos humanos de les persones sordes.

La elección del día rellacionase cola fundación de la Federación Mundial de Sordos, asocedida’l 23 de setiembre de 1951. La organización axunta asociaciones nacionales y desenvuelve acciones venceyaes cola educación, l’accesibilidá, la participación social y la protección de les comunidaes sordes.

 

Les llingües de señes nun constitúin un sistema universal únicu. Cada comunidá llingüística desenvuelve les sos propies estructures, vocabularios y convenciones, de la mesma qu’asocede coles llingües orales. Tienen gramática, sintaxis y recursos espresivos propios.

La ONU empezó a conmemorar oficialmente la xornada en 2018. El resolvimientu correspondiente plantega que l’accesu tempranu a la llingua de señes y a servicios educativos nesa llingua resulta esencial para’l desenvolvimientu y la participación plena de les persones sordes.

Nun esiste una llingua de señes universal. Hai más de 300 nel mundu, usaes por unes 70 millones de persones sordes. Son idiomes completos: tienen gramática, vocabulariu, acentos rexonales y cultura propia.

Autor:

Maestra de Llingua Asturiana Colexu Carmen Ruiz-Tilve - Uviéu