N’A Caridá, el ministru d’Agricultura Luis Planas clausura un congresu nacional sobre la presencia de la muyer nel sector primariu. Calcúlase que’l 60% de tolos alimentos nel primer mundu son producíos por muyeres.
Mari Carmen Argudo lleva 30 años venceyada al sector pesqueru, un mundu enllén d’homes pero onde, poco a poco, la muyer gana presencia. Güei preside la cofradía de pescadores de Gandía y llucha caldía pol relevu xeneracional.
Beatriz Castilla dexó’l so trabayu de docente va tres años y decidió convertise n’olivicultora. Agora produz aceite d’oliva en Jaén na empresa familiar.
Son dos exemplos de la cada vegada mayor presencia de la muyer nel sector primariu y que se reivindicó n’A Caridá, nun congresu nacional nel que se punxo de relevancia un datu: el 60% de los alimentos nel primer mundu prodúcenlos muyeres.
Abordáronse retos y necesidaes. Una, ye meyorar la conciliación.
Una xornada reivindicativa del papel de la muyer.
