El Muséu de Belles Artes d’Asturies súmase al homenaxe a Plácido Arango Arias ,gran impulsor cultural d’Asturies, col préstamu d’una obra al Muséu Belles Artes de Bilbao. «Seronda vasca», de Darío de Regoyos, ye la obra vencida al muséu vascu de Belles Artes por representar la unión ente la institución asturiana y el filántropu Arango. LNE
Foi un empresariu hispanomexicano, afincáu n’España, conocíu pola so actividá como coleccionista y como benefactor de dellos museos como’l Prau y del Muséu de Belles Artes d’Asturies.
El Muséu de Belles Artes d’Asturies va participar nel homenaxe que’l Muséu de Belles Artes de Bilbao va dedicar a Plácido Arango emprestando’l cuadru Seronda vasca, de Darío de Regoyos, donada a la Institución per Arango en 2007. L’homenaxe, llamáu «La busca del empiezu», enmárcase na reapertura de la Institución el próximu 5 d’ochobre, tres la culminación de la so importante ampliación arquitectónica, diseñada por Norman Foster y Luis María Uriarte. Trátase d’un proyectu espositivu que’l so oxetivu ye averar al públicu a la figura d’Arango y la so trayectoria como coleccionista y filántropu.
Los fíos de Plácido Arango dexen al Belles Artes de Bilbao más de 100 obres: «El mio padre partió la so colección ente los trés hermanos y nun dio instrucciones». «Yera un mecenes espectacular. Yera un gran inversor y antemanábase a ver detectar el futuru de los artistes», cuenta Paco Arango énte la inauguración esta seronda d’una impresionante esposición sobro la colección del so padre n’ampliación de la institución vasca.
El Belles Artes de Bilbao va reabrir el 5 d’ochobre cola so colección y una esposición n’homenaxe a Plácido Arango. El Muséu del Prau collabora col muséu bilbaino n’una amuesa qu’axunta 100 obres de la colección del empresariu y coleicionista.
Foi’l suegru de Plácido Arango, Martín García Urdaneta, un refuxáu bilbaino que vivía en México, quien -y inculcó el so amor pol arte y pol coleicionismu.
Asina conoció un mundu inda desconocíu para él, el del coleicionismu d’arte, nel qu’acabaría convirtiéndose n’una de les figures más importantes a nivel internacional. “Pero’l mio padre nunca adquirió obres para teneles, gustába-y compartiles”, esplica la so fía Maite Arango.
Nel corazón de Plácido Arango hubo trés museos : el Prau, el Belles Artes d’Asturies y el Belles Artes de Bilbao. Plácido Arango foi presidente del Patronatu del Prau ente 2007 y 2012. La so estrecha relación cola pinacoteca quedó afigurada nes importantes donaciones realizaes a la institución madrilana. En 2015, mientres la dirección de Miguel Zugaza, apurrió al muséu un conxuntu de 25 obres maestres d’arte antiguo pertenecientes a la so colección particular. Ente elles figuraben pieces de destacaos artistes como Pedro de Campaña, Luis Morales, Luis Tristán, Francisco de Zurbarán, Herrera’l Mozu, Valdés Lleal, Corrado Giaquinto y Francisco de Goya, ente otros.
