🎭 La conseyera de Cultura, Política Llingüística y Deporte, Vanessa Gutiérrez, presentó güei la octava edición de _Camín Escena Norte_, el programa d’intercambiu cultural que conecta, al traviés de les artes escéniques, Asturies, Galicia, Cantabria, Euskadi, Navarra y La Rioxa.
Del 18 de setiembre al 15 de payares, el proyectu va axuntar a 18 compañíes con propuestes de teatru, danza, circu, maxa y artes del movimientu. Asturies va ser amás territoriu protagonista del FOCO 2026 y va acoyer en Xixón, del 21 al 23 de setiembre, _Habitación Peregrina PRO_, una cita clave pa la coproducción y la distribución escénica del norte peninsular. Tola información equí: https://actualidad.asturias.es/-/escena-norte256
Del 18 de setiembre al 15 de payares, Camino Escena Norte va axuntar a 18 compañíes de los seis territorios participantes n’una programación que va amosar parte de la producción escénica profesional más destacada del norte peninsular, con propuestes de teatru, danza, circu contemporaneu, artes del movimientu, maxa y espectáculos empobinaos tantu a públicu familiar como adultu.
Unu de los principales finxos d’esta edición va ser la celebración en Llaboral Ciudá de la Cultura, en Xixón, del alcuentru profesional Habitación Pelegrina PRO, que va tener llugar del 21 al 23 de setiembre. Esta cita, consolidada como xuno de los principales espacios d’alcuentru profesional de les artes escéniques del norte, va poner el focu na coproducción interterritorial y en nueves víes de distribución y collaboración ente compañíes, programadores y axentes culturales.
Gutiérrez destacó que la celebración n’Asturies del eventu supon una reconocencia al dinamismu y la calidá del sector escénicu asturianu, según a la so capacidá pa xenerar propuestes sólides y fortalecer redes de collaboración dientro y fora de la comunidá.
#CamínEscenaNorte #ArtesEscéniques #CulturaAsturies
