Publicado en Revistes

The Asturianer 112: «Motiva» (Uviéu)

Motiva nació en 1997 na Escuela d’Arte d’Uviéu con una idea senciella y poderosa: enseñar y, sobremanera, motivar. Mientres más de dos décades convertir en muncho más qu’unes xornaes de diseñu gráficu. Foi un llugar d’alcuentru, un escaparate y un puntu de conexón ente estudiantes, profesionales, instituciones y ceadores d’Asturies y de fora d’ella.


Poles sos aules y escenarios pasaron dalgunos de los nomes fundamentales del diseñu, la ilustración, la fotografía y la comunicación visual.

Les sos esposiciones llevaron el diseñu a les cais d’Uviéu al traviés de cientos de cartelos y mupis, convirtiendo la ciudá nuna estensión de la Escuela y averando la cultura gráfica a la ciudadanía.

Tamién hubo talleres, conferencies, premios ya intercambios con profesionales d’otres partes d’España y México.

Pero  lo más importante de Motiva ye que foi un llugar pa mirase unos a otros, p’afayar lo que se taba faciendo n’Asturies, compartir moliciones y entender qu’equí esistía xuna comunidá alredor del diseñu.

Cuando les xornaes sumieron, en 2018, numberosos profesionales llamentaron la perda que suponía pa les nueves xeneraciones, qu’atopaben en Motiva xuna ventana abierta al mundu profesional.

La hestoria de Motiva ye tamién la hestoria d’una dómina: la d’una Escuela que mientres más de venti años consiguió daqué malo de construyir y bono de perder: xenerar alredor de la gráfica un espaciu d’alcuentru, interés y entusiasmu.

La hestoria de Motiva tamién ta fecha de quien llegaron ellí p’aprender, mirar y afayar un camín.
 
Ente ellos, Pifa Montgomery, ilustrador y diseñador gráficu zamoranu . En 2006 tuvo la inmensa suerte de vivir Motiva de barganal. Llegó dende la Escuela d’Arte de Zamora colos sos compañeros y atopóse con una esperiencia que-y camudó la vida. Porque dacuando una xornada, una charra, un cartelu o una conversación a deshoras pueden faer daqué más qu’enseñate un oficiu.

Pueden señalate un camín.

A Pifa, Motiva fíxo-y diseñador.

@escuela_de_arte_de_oviedo
@theasturianer

Autor:

Maestra de Llingua Asturiana Colexu Carmen Ruiz-Tilve - Uviéu