La conceyala de Fiestes del Ayuntamientu d’Uviéu, Covadonga Díaz, señaló que «nun tien claro» que Rodrigo Cuevas vaya actuar nes fiestes de San Matéu, como ta programáu, dempués de que’l cantante asturianu criticare la evolución del modelu festivu nun conciertu en Tarragona.
San Matéu celebraráse del 10 al 21 de setiembre y cuntará con artistes como Leiva, Taburete, Mónica Naranjo, Bertín Osborne y el Vetusta Fest, que s’inxerta per primer vegada a la programación.
La conceyala aseguró que queda pendiente la confirmación del conciertu de Rodrigo Cuevas, previstu pal 21 de setiembre, dempués de les crítiques del artista al modelu festivu d’Uviéu.
Declaraciones como que «la fiesta fizo caput» o que «la fiesta popular perdióse» y que foi sustituyida por un modelu de «casetes de gastrohorteraes».
