Si entá nun conoces A Paicega, habríes facelo. 🏙 Un pobláu deshabitáu que ye parte de la nuesa historia y patrimoniu del suroccidente asturianu. Traveler /
Amás d’un pequenu templete construyíu nos últimos años, que forma parte de l’actual Área Recreativa d’A Paicega y fai les vegaes de mirador, atopamos tamién una estructura de les antigües dependencies que se fixo popular gracies a la so forma de marcu qu’encuadra perfectamente’l banzáu, creando una escepcional ventana paisaxística que sirve de cutiu como referencia para los amantes de la fotografía.
A Paicega constitúi anguaño una de les xoyes del pequenu conceyu de Pezós, unu de los más inexplorados d’Asturies a pesar d’allugar el Saltu de Salime, que suel sirvir como reclamu de la zona gracies a la so espectacularidá. Para llegar hasta’l pobláu basta con llegar a la localidá de Pezós, que ye’l puntu de partida d’una ruta señalizada d’ida y vuelta que conduz hasta la área recreativa. Ocho kilómetros en total que merez la pena percorrer p’algamar el mirador.
