Esperamos intervalos nublos con momentos quiciabes de daqué más de nubosidad debíu al pasu d’un frente fríu pero bien pocu activu. La probabilidá de precipitaciones va ser bien baxa anque, sía que non, nun se refuga que pueda escapase dalguna gota ensin importancia de forma residual y más probable nel cordal. Los vientos van predominar d’oeste-suroeste nel sector occidental, y variables nel restu. Les temperatures máximes van xubir llixeramente nel suroccidente asturianu y ente 3 y 4 ºC nel restu del Principáu. Les mínimes van xubir de forma xeneralizada.
El miércoles prevese tiempu estable con nubes altes a lo sumo que van tender a estenase. Les temperatures van ser bien similares a les del martes. Namá podríen xubir les máximes nel cordal y baxar les mínimes nel terciu oeste.
Pal xueves y el vienres vamos tener dos xornaes térmicamente veraniegues con rexistros que podríen algamar, ya inclusive superar, los 30 ºC n’Asturies.
