Nortes.me / Artistes y deportistes asturianos llamen a la matriculación na escuela pública. Cares conocíes sofiten la campaña de SUATEA “Nun faigas el pijo: escueyi la Pública”.
El sindicatu SUATEA llanzó esti llunes un vídeu en defensa de la escuela pública sol lema “Nun faigas el pijo: escueyi la Pública”, cola participación de destacaes figures de la cultura y el deporte asturianu para animar a les families a matricular a los sos fíos na rede educativa pública.
La iniciativa coincide cola apertura del periodu oficial d’almisión para’l cursu 2026-2027, que se desenvuelve ente’l 14 y el 24 d’abril n’Asturies, un momentu que’l sindicatu considera “decisivu” pa reforzar l’enfotu nel sistema educativu públicu.
El vídeu cunta cola intervención de personalidaes como Rodrigo Cuevas, Alicia Álvarez, Joaquín Pajarón, Beatriz Rodríguez, María Cotiello, Leticia Baselgas, Sara Lolo, Monchu Cerra y Miguel Fernandi, quien apurren la so voz pa destacar la importancia d’un modelu educativu “inclusivu, cercanu y calidable”.
Col mensaxe siguíu de “pa coses series, escueyi la Pública”, la campaña pretende poner en valor el papel de la escuela pública como garante d’igualdá, cohesión social y calidá educativa, según señaló la organización.
