Esperamos un rápidu aumentu de la nubosidad entrando pola mariña que va dexar precipitaciones mientres la mañana na metá norte. Mientres la tarde, la inestabilidá va concentrase más nel sur de la rexón, ente que pola mariña nun se refuga que s’acaben abriendo delles escamplaes, sobremanera a la fin de la tarde.
Los vientos van ser fluexos y variables. Les temperatures máximes van xubir nel terciu oeste, siendo concretamente nel suroccidente onde esperimenten un ascensu más significativu (hasta 4 ºC más que’l martes). Nel restu del Principáu van caltener ensin grandes cambeos. Tocantes a les mínimes van xubir llixeramente nel oriente, pudiendo ser moderáu l’ascensu en Picos, y nun van variar nel sector occidental.
El xueves vamos empezar el día con cielos poco nublos, pero pela tarde van aumentar les nubes dende’l sur pudiendo dexar bastios d’orixe tormentosu.
