L’ocle forma parte de la memoria de la marina asturiana. Mientres xeneraciones, les algues que’l mar dexaba na vera recoyíense y utilizábense principalmente como abonu, formando parte d’un ciclu d’aprovechamientu amestáu a la tierra y al mar. Yera un material humilde, abondosu y fondamente conectáu cola vida na marina.
Güei, esa conocencia resurde tresformada.
La colección OCLE naz d’esa rellación histórica cola mar, reinterpretada dende l’artesanía contemporaneo. Los filos utilizaos vienen d’algues recuperaes como subproductu de la industria cosmética, dando una nueva vida a un material que sigue siendo parte del paisaxe, pero agora tamién del texíu. Estes fibres apurren a les pieces un rellumu sutil, asemeyao al de la seda, y una suavidá sorprendente que tresforma la esperiencia del texíu y del usu.
La resultancia ye una coleición que conecta pasáu y presente: fibres que vienen del mar, colores que nacen de la tierra y manos que siguen trabayando como siempres.
OCLE ye una forma de volver mirar lo que yá taba ende.
