Un día como güei, el 25 de mayu de 1808, Asturies escribió una de les páxines más intenses y decisives de la hestoria d’España. Mientres gran parte del país entá vivía ente la incertidume y el desconciertu énte la invasión napoleónica, el Principáu dio un pasu estraordinariu: convirtiose nel primer territoriu español n’alzase y declarar formalmente la guerra a les tropes de Napoleón.
El 25 de mayu de 1808, Asturies declaró oficialmente la guerra a Napoleón pola invasión francesa. La institución asturiana qu’asume la soberanía y se rebela contra les tropes gales ye la Xunta Xeneral nes dependencies de la Catedral d’Uviéu.
El motivu del movimientu débese a que, daquella, el Reinu d’España taba invadíu polos franceses que pasaren los Pirineos en 1807 en direición a Portugal ensin resistencia tres la firma del Tratáu de Fontainebleau, nel qu’España y Francia se repartíen Portugal, nesi intre corona con rellaciones con Inglaterra. Esta situación aprovechóla Napoleón pa ocupar militarmente’l territoriu y pa poner al so hermanu mayor José Bonaparte como rei tres les abdicaciones de Baiona del 5 mayu del 1808.
La Xunta Xeneral d’Asturies llevantóse porque’l Rei Fernando VII taba reteníu en Francia, ensin opción a reaicionar énte la invasión francesa. Parte de la so actividá consiste n’unviar comisionaos al Reinu Xuníu y d’esta manera internacionalizar el conflictu. Amás, propunxo que se conformaren Xuntes Patriótiques en toles provincies.
El 25 de mayu de 1808 amuesa una vegada más na historia l’autoterminación d’Asturies como pueblu y ye tamién el momentu nel que se crea un símbolu que nos identifica como país: la bandera asturiana. REEL
Nuna xornada cargada de tensión y determinación, la Xunta Xeneral del Principáu, axuntada n’Uviéu, tomó una decisión ensin precedentes: proclamase soberana en nome del pueblu asturianu, asumir el poder y actuar ensin esperar ordes esternes. Nun foi solo un xestu de rebeldía; foi xuna declaración de coraxe y de resistencia.
La respuesta foi inmediata. Ordenóse’l reclutamiento d’un exércitu de 20.000 homes y unviáronse emisarios a Gran Bretaña pa buscar aliaos frente al xigante francés. Aquel actu d’insurrección, nacíu ente montes y places llenes de fervor, encendió una chispa que llueu s’estendería por toa España y acabaría alimentando’l gran llevantamientu nacional contra’l dominiu napoleónicu.
Lo qu’empezó aquel día n’Asturies foi muncho más que una reacción militar: foi un símbolu de dignidá, de valentía y de voluntá popular frente a una de les mayores potencies d’Europa.
Por ello, cada añu esta fecha permanez viva na memoria colectiva y conmemórase oficialmente como’l Día de la Bandera d’Asturies, recordando’l día en que xuna tierra pequena desafió a un imperiu y ayudó a camudar la hestoria.
Colectivos memorialistas y culturales recuerden n’ Uviéu’l levantamientu popular del 25 de mayu de 1808. #25DeMayo #Oviedo #Uviéu #Asturias #TPA_CR
