Güei celébrase’l Día de «Alicia nel País de les Maravíes». ¿La razón? Un 4 de xunetu, nel llonxanu 1862, mientres un paséu en bote pel ríu Támesis, el diáconu, matemáticu y fotógrafu de neñes Charles Dogson (quien pasaría a la hestoria como Lewis Carroll, el so seudónimu lliterariu) improvisó para la pequeña Alicia Liddell y les sos hermanes Lorina y Edith la famosa narración. Dempués púsolo por escritu y… lo demás ye hestoria. Reproducimos una de les semeyes que Dogson fíxo-y a la verdadera Alicia.
