La Universidá d’Uviéu diseña répliques de carabeles que llanzará a la mar pa investigar.
El branu pasáu rexistráronse n’Asturies 350 avistamientos de carabeles portugueses. En total, contabilizáronse más de 3.500 exemplares. Onde más s’alcontraron foi nos estremos oriental y occidental de la costa asturiana. Los tamaños de los exemplares d’eses falses meduses fueron dende 1 hasta 30 centímetros.
La medría de la temperatura del agua ye una de les condiciones que pue favorecer la so apaición, la única. Los espertos señalen que la calor d’estos últimos díes nun implica que s’anticipe la so llegada a la costa asturiana.
Physalia llámase esti proyectu que lidera la institución académica asturiana
Son répliques biomimétiques. Diséñenles partiendo d’un escanéu 3d d’una carabela real. Imítase la forma, el pesu y la densidá. Dientro agóspiase una placa electrónica con tapa estanca destaca Mario Iglesias, responsable d’impresión 3D de Medialab.
Nunos díes, tendrán el prototipu final, fadrán les pruebes de flotabilidá y d’electrónica y entamarán a imprimir copies. 80 en total, que se llanzarán al mar en Xibraltar, Bermudes, Hawái y en Rapa Nui. La clave ta n’entender los fluxos de navegación apunta José Luis Acuña, investigador principal de Proyectu Physalia.
Una vegada nel agua, sedrán monitorizaes, polo menos, un añu. La Universidá d’Uviéu coordina’l proyectu Physalia, nel que participen abondos organismos y instituciones nacionales y internacionales.
