El Gobiernu aprobó una ayuda añal pa families trabayadores con fíos d’hasta 12 años. Van recibir 400 euros por menor hasta un máximu de 1.200 euros por unidá familiar pa gastos en guarderíes, ludoteques, campamentos o actividaes estraescolares.
El Principáu va repartir un total de 950.000 euros ente les families asturianes con menores de 12 años al so cargu y rentes inferiores a 45.000 euros añales, cola mesma llende pa les families monoparentales. Dóblense asina los 600 euros que daben l’añu pasáu como tope por familia.
El mínimu xustificable van ser 40 euros, de los que les families van necesitar factura o xustificante de pagu per tresferencia. Nun se van almitir pagos n’efectivo.
Van cubrir los gastos xeneraos en tol 2026 y la documentación xustificativa va tener que ser presentada enantes de febreru de 2027. L’añu pasáu ayudaron a 943 families, cifra qu’esperen superar.
