Lliteratura

Programas documentales «ELLES, muyeres na lliteratura asturiana». Trés capítulos que van dar a conocer la hestoria de les muyeres qu’escribieron y escriben n’asturianu y gallego-asturianu dende’l sieglu XVIII.

Nel primer capítulu d’Elles, muyeres na lliteratura asturiana, Sonia Avellaneda viaxa hasta’l sieglu XVIII y XIX, onde mos lleguen namás cuatro autores: Xosefa Xovellanos y Taresa Cónsul (XVIII), Enriqueta González Rubín (XIX) y un últimu descubrimientu de 2019, Matilde de Soigne (XIX).

El programa, con recreaciones hestóriques y testimonios de decenes d’espertes y escritores, preséntalu Sonia Avellaneda y ta dirixíu por Inaciu Galán, col asesoramientu de María Esther García, Esther Prieto y Marta Mori. #ELLESlliteraturaTPA