Segunda Guerra Mundial / A les 11 de la mañana del 3 de setiembre de 1939, el Reinu Uníu declaró la guerra a Alemaña. Francia adoptó la mesma decisión poques hores dempués, en respuesta a la invasión alemana de Polonia empecipiada’l 1 de setiembre. El compromisu británicu y francés de garantizar la integridá territorial polaca convirtiera l’agresión nun puntu de rotura diplomática.
La declaración abrió una nueva fase de la Segunda Guerra Mundial, anque mientres los primeros meses los enfrentamientos directos nel frente occidental fueron llindaos y esi períodu pasó a conocese como la guerra de chancia” o Phoney War. Alemaña concentró primeramente les sos fuerces en Polonia, mientres británicos y franceses movilizaben recursos militares y económicos.
La Segunda Guerra Mundial foi un conflictu militar global desenvueltu ente 1939 y 1945, nel que participaron la mayoría de les naciones del mundu incluyíes toles grandes potencies— arrexuntaes en dos aliances militares opuestes: los Aliaos y l’Exa.
Foi la mayor guerra bélica na hestoria de la humanidá, con más de cien millones de militares movilizaos y un estáu de guerra total en que los grandes contendientes destinaron tola so capacidá económica, militar y científica al serviciu del esfuerzu bélicu, borrando la distinción ente recursos civiles y militares.
Marcada por fechos d’enorme repercusión qu’incluyeron la muerte masiva de civiles (l’Holocaustu, los bombardeos masivos sobro ciudaes y l’usu, per primer vegada nun conflictu bélicu, d’armes nucleares), la Segunda Guerra Mundial foi la más mortífera de la hestoria, con una resultancia d’ente 50 y 70 millones de víctimes, el 2,5 % de la población mundial d’esa dómina.
La ofensiva alemana sobro Europa occidental de mayu de 1940 punxo fin a esa etapa de relativa inactividá.
