Publicado en Aniversariu, RTPA

XX Aniversariu de la RTPA

RTPA celebra los sos 20 años mirando a Asturies dende’l sofá María Herrero y David Arango conducieron nel Teatru de la Llaboral una gala que percorrió dos décades d’informativos, deportes, programes y cares de la televisión pública asturiana. #RTPA20AñosContigo Rodrigo Cuevas, Los Berrones, Hevia y el Coru Mineru de Turón van participar n’una gala que va poder siguise per televisión y al traviés d’internet. LNE / El Comercio / RTPA / https://www.rtpa.es/gala-20-aniversario

 

Una velada que repasó dos décades de serviciu públicu y presentó les novedaes de la nueva temporada

Con un teatru de La Llaboral con aforu completu, la gala ‘RTPA 20 años contigo’ apuntó lo que foi la trayectoria de la Radiotelevisión del Principáu d’Asturies y desveló les novedaes d’esta temporada.

Una velada con muncha música, humor y el compromisu de siguir siendo la radio y televisión pública de los asturianos.

La gala empezó cola actuación de Rodrigo Cuevas y, con María Herrero y David Arango, de maestros de ceremonia, repasáronse estos 20 años. Más de 7.000 díes d’emisiones dan pa muncho y asina se reflexó na velada.

Un percorríu per dos décades d’información, divulgación y entretenimientu con compromisu de serviciu públicu, pelos programes que construyeron la seña d’identidá de la cadena. Hasta los indios y vaqueros de les sobremeses de RTPA fueron a la cita.

Too mecío con muncha música y y rellumos d’humor. Rodrigo Cuevas, Los Berrones, Herbamora, Eva Hevia, la Banda de Gaites Villa de Xixón y el Coru Mineru de Turón protagonizaron les actuaciones.

La directora xeneral de Radio Televisión del Principáu d’Asturies, Azahara Cañedo, avanzó próximos estrenos y retos pal futuru.

Más allá de les actuaciones musicales, ‘RTPA 20 años contigo’ va axuntar a profesionales de los Servicios Informativos, Deportes y los distintos programes de TPA y RPA, que van compartir escenariu para recordar dalgunos de los acontecimientos y momentos más significativos de la hestoria de la radiotelevisión pública asturiana.

La gala va dexar recuperar imaxes, esperiencies y alcordances d’una trayectoria marcada pola información de proximidá, la divulgación, l’entretenimientu y l’espardimientu de la cultura y les tradiciones del Principáu.

Mientres el programa tamién se van presentar les principales novedaes de la programación d’esta temporada, coles que RTPA encara una nueva etapa n’algamando los sos primeros venti años d’hestoria.

Con esta celebración, la radiotelevisión pública asturiana conmemora dos décades acompañando a el espectadores y oyentes del Principáu, poniendo’l focu nos profesionales, artistes y protagonistes que formaron parte de la so trayectoria dende l’entamu de les sos emisiones.

Autor:

Maestra de Llingua Asturiana Colexu Carmen Ruiz-Tilve - Uviéu