Barbón: «La oficialidá atenta de la llingua ye un compromisu cola sociedá asturiana”. El presidente defende en Bimenes avanzar na normalización del asturianu dende’l consensu y apela a tener en cuenta la identidá nel votu.
El presidente del Principáu, Adrián Barbón, aseguró güei que “la oficialidá atenta de la llingua ye un compromisu cola sociedá asturiana”, mientres la XXX Fiesta de la Oficialidá de la Llingua Asturiana, celebrada en Bimenes, onde reafitó’l so apueste por avanzar na normalización dende l’entendimientu.
Barbón defendió l’usu del asturianu con una oficialidá atenta y llamó a la sociedá a cavilgar sobro la postura de la oposición nesti asuntu. Una fiesta de la oficialidá na que se reivindicáu l’asturianu como seña d’identidá y d’arguyu. Bimenes acueye cada añu esta celebración, que tamién recuerda qu’en 1997 foi’l primer conceyu en declarar l’asturianu como llingua oficial marcando un finxu nel movimientu de reivindicación llingüística.
El xefe del Executivu sorrayó que “la llucha pola oficialidá y la responsabilidá institucional van de la mano” y convidó a los grupos políticos a “trabayar nesa oficialidá atenta”, superando postures engarraes. Coles mesmes, destacó que’l Gobiernu d’Asturies “trabayó toos estos años na normalización y na defensa de la llingua” y confió en llograr meyores “más puestu que tarde”.
Tamién encamentó a la ciudadanía a cavilgar en clave identitaria: “Cuando la xente vaiga votar, que piense tamién nestes coses». Al tiempu encamentó a tener en cuenta “quién defende la identidá d’Asturies” y señaló qu’hai partíos que tienen xuna postura distinta a unu y otru llau del Eo.
