- Alborecemos col cielu empuercáu de nubes altes ya con unes temperatures que tan alrodiu de los 16ºC, rexistrándose nel puirtu Payares 18,3ºC.
Munchu precuru güei, evitar tar espuestos al sol durante les hores centrales del día y realizar l’actividá física imprescindible durante eses hores y ye que s’esperen temperatures másimes perriba de los 35ºC na fastera central asturiana, dalgo menso na primer llinea de costa. Per otru lláu ta previsto que se forme una tormenta al atapecer na fastera central que pue trayer vientu mui fuerte y dexar situaciones peligroses col moviliariu urbanu. Por mor d’esa tormenta y los sos vientos asaociaos, durante la nueche, puen dase reventones de calor y dispararse la temperatura hasta los 30ºC en plenu riscar colo que la nueche va ser tropical y conciliar el sueñu sedrá misión imposible. Toca hidratase bien y tener paciencia.
- Mañana xueves vamos seguir con muncho calor anque les temperatures másimes yá nun llegarán a los 35ºC, amás nun s’eperen tormentes nin precipitaciones.
- Y por fin el vienres tornaremos a la normalidá cola entrada de vientu gallegu, frescu ya húmedu que mos apurrirá nubosidá ya un descensu bultable de les temperatures con másimes que malpenes algamarán los 24-25ºC nel meyor de los casos, situación que va estedese al restu de la fin de selmana.
