Avérase San Xuan y llega con una duce novedá. Presentación de los Xuaninos. Un grupu de pasteleros locales xuniéronse para crear un dulce que rinda homenaxe a les fiestes de Mieres y a les tradiciones que formen parte de la nuesa identidá cultural. Inspirándose nel folclore popular y nes celebraciones venceyaes a la llegada del branu, nacen los Xuaninos, un pastel que recupera la forma redonda y los ingredientes esenciales —güevos y mantequilla— d’aquellos dulces tradicionales qu’acompañaben les festividaes de San Xuan. https://www.mieres.esEl so nome fai referencia a esta emblemática celebración, fondamente enraigonada na nuesa cultura, na que se bendicen les agües y caltiense la tradición de recoyer flores mientres la nueche y la mañana de San Xuan. La flor que corona’l pastel simboliza precisamente esi venceyu cola naturaleza, el costumes populares y l’espíritu festivu d’estes feches.
Col propósitu de reforzar el so calter local, incorporaron ingredientes especialmente representativos de la nuesa tierra, como la mazana, la sidra y les ablanes, apurriendo asina sabores que formen parte de la nuesa tradición gastronómica.
Los Xuaninos nacen de la ilusión, el trabayu conxuntu y el compromisu de la pastelería local col caltenimientu y espardimientu de les nueses costumes. Con esta creación contribúin a arriquecer les fiestes de Mieres, ufiertando un productu que xune tradición, identidá y sabor.
L’oxetivu d’esta iniciativa ye que vecinos, vecines y visitantes esfruten d’esti dulce y que los Xuaninos seyan un nuevu símbolu de celebración, capaz de tresmitir l’espíritu de les nueses fiestes y l’arguyu de los nuesos raigaños.
El llunes viniente, a les 13 hores, va ser la presentación oficial de los Xuaninos na Plaza del Conceyu. Un manxar para adulzar les nueses fiestes. Ayuntamiento de Mieres
