Manuscritos orixinales de Carlos González Posada del Diccionariu de delles voces del dialectu asturianu dispuestu por orde alfabéticu, añu de 1788», y de la Esplicación de voces del dialectu asturianu». Ye’l primer diccionariu conocíu de la llingua asturiana. Carlos González Posada (Candás, 1745 – Tarragona, 1831) foi un gran amigu y collaborador de Gaspar de Xovellanos, al que siguió nos sos intereses pol asturianu y l’hestoria d’Asturies.
Esti manuscritu autógrafu foi publicáu en 1989 por Xosé Lluis García Arias na Biblioteca de Filoloxía Asturiana de la Universidá d’Uviéu, dirixida por Juan Carlos Villaverde Amieva. Acaba d’ingresar nel muséu procedente de la biblioteca del arquiteutu Borja Bordiu Cienfuegos-Xovellanos (Xixón, 1951 – Uviéu, 2024) y espónse nel nuevu espaciu del muséu dedicáu al llibru. Muséu del Pueblu d’Asturies
