Publicado en Deportes

La Selección femenina de baloncestu, n’Uviéu

La Selección femenina torna tres del bronce mundial de Berlín. Y faelo n’Uviéu, la casa del nuevu fenómenu del baloncestu español. AS / As / El Comercio /#Eurobasket2027 / #EuroBasketWomen / @BaloncestoESP 🏆 Clasificación FIBA Women’s EuroBasket 2027 🇪🇸 vs 🇨🇿

Iyana Martín Carrión (Uviéu, 18 de xineru del 2006) salió del pasáu Mundial de Berlín con una medaya de bronce que devolvió a España al so calce natural dempués del fiascu que foi l’ausencia nel 2022, cuando ella tenía inda 16 años y taba a menos de dos de debutar cola Absoluta. Aquel branu, ella dedicólu a ganar dos plates, con MVP nel Européu Sub-16 y con plaza nel Meyor Quintetu nun Mundial Sub-17 al que llegó enantes de lo que-y tendría que tocar, pero nel que foi una de los meyores.

Paez la historia de la so vida: nel 2023, nun Movistar Arena apurríu, foi escoyida MVP dempués de qu’España, otra plata, quedárase a un pasiquín de ganar a Estaos Uníos na final del Mundial Sub-19. Tenía 17 años.

El Palaciu de los Deportes d’Uviéu ruxó como nes sos meyores nueches. La capital del Principáu, entornada cola etiqueta de Ciudá Europea del Deporte, acoyía a la so neña maravía. Iyana Martín volvía a casa convertida yá nuna realidá de la élite y el recintu uvieín acutó-y el recibimientu de les grandes ocasiones, atarraquitáu de gargüelos dispuestos a emburriar a «La Familia».

Iyana Martín rescata a España n’Uviéu pa estrenase con victoria nel camín al Eurobasket.

El trunfu dexa a España empezar con bon pie una fase de clasificación na que cada resultáu cuenta p’algamar el Eurobasket del 2027, que se va apostar en Bélxica, Finlandia, Suecia y Lituania.

Autor:

Maestra de Llingua Asturiana Colexu Carmen Ruiz-Tilve - Uviéu