La conseyería cerró la inscripción para les pruebes de certificación de llingua asturiana con 204 aspirantes: 147 nivel C1 45 nivel B2 12 nivel A2 La prueba escrita va ser el 26 de setiembre actualidad.asturias.es/-/asturiano126
Los detalles puen consultase nesti enllaz: https://acortar.link/5zt53X
Les pruebes de certificación consten de cinco partes estremaes: comprensión de testos escritos, comprensión de testos orales, producción y coproducción de testos escritos, producción y coproducción de testos orales, y mediación. Para llograr el certificáu, va ser necesariu algamar siquier una puntuación de 5 en caúna d’elles, según una media global mínima de 6.
La evaluación va afacer a los oxetivos, competencies, conteníos y criterios establecíos nel Decretu 27/2019, de 21 de xunu, que regula los niveles de competencia en llingua asturiana y la so correspondiente certificación, afechos al Marcu Común Européu de Referencia para les Llingües (MCER).
La Conseyería d’Educación xestionó íntegramente la convocatoria, incluyendo la ellaboración de les pruebes, la organización, la loxística y la so aplicación. Coles mesmes, va expedir los certificaos de superación al traviés del centru esaminador. Pela so parte, les escueles oficiales d’idiomes d’Asturies responsabilizáronse de la formalización de les inscripciones.
L’Alministración publica güei la llista definitiva de persones inscrites nel portal institucional Educastur, amás de comunicalo de forma directa a los comenenciudos. Coles mesmes, pon a la so disposición les sedes d’exame, una guía informativa y modelos de prueba para facilitar la preparación de les distintes mañes llingüístiques.
