🎭🎊Los suaños de la sardina yá se lluz poles cais de Xixón. Trátase d’una creación de l’artista Rosario Roses Ariza, quien fai tan solo un mes qu’aterrizó n’Asturies dende la capital española. 🖌️🎨Para l’artista madrilana nun se trata d’una ilustración más, ye l’empiezu d’una nueva vida y l’emburrión «que precisaba» para llanzar la so carrera profesional.
La obra de Rosario foi escoyida pola so creatividá, orixinalidá y capacidá para reflexar l’espíritu de la fiesta.
“Quería xugar con imaxes y símbolos que representaren otru sentir del Antroxu y de la so guapa simboloxía de la muerte y el renacer”. La sardina, figura central del Antroxu, conviértese asina nun elementu oníricu que convida a cavilgar sobro’l ciclu festivu y la so dimensión más simbólica.
🗣️ Unu de los elementos que llama l’atención nesti cartelu del antroxu ye la falta de color. «Opté pol blancu y negru porque quería qu’oldeara colos colores de les charangues y que remembrara esa sensación d’entierro»
✒️ María S. Condáu / La Voz
Los suaños de la sardina recueye elementos icónicos de la rexón, como’l cuélebre, la gaita o la mesma sardina, protagonista indiscutible de los antroxos. Precisamente esta postrera ocupa un llugar central nel cartelu, representada dientro del so propiu ataúd, concebíu como una llata de sardines, n’un chisgo «tantu a la tradición carnavalesca como a la enraigonada cultura sardinera de la zona», esplica Roses.
Más allá del simbolismu, unu de los aspeutos más llamativos del cartelu ye la técnica emplegada. L’autora optó pol linograbado, un procedimientu tradicional y artesanal que «remite a la forma na que se realizaben los cartelos antiguos». Para llevar a cabu esta técnica, primero «tienes que faer el diseñu y depués tallalo en llinoleu; tien de faese al aviesu por que, cuando lo estampes, lléase a dereches».
Otru de los elementos que llama l’atención nesti cartelu del antroxu ye la falta de color. «Opté pol blancu y negru porque quería qu’oldeara colos colores de les charangues y que remembrara esa sensación d’entierru», esplica l’artista.
El trunfu de Los suaños de la sardina nel concursu de cartelos del Antroxu llegó de forma inesperada para l’artista. Y, más allá de la reconocencia al so trabayu, supon «l’emburrión que precisaba pa poder abrise camín nel mundu del arte, que ye bien difícil y competitivu». Mentanto, la madrilana sigue afaciéndose a la so nueva vida en Xixón, yá suaña planes de futuru. «Gustaríame poder dar talleres para enseñar les técniques que fui aprendiendo. Amás, toi abriendo una tienda online d’artesanía».
