Tol mundu pue disfrutar yá de ‘Llagares’, la gran obra nueva que Rodrigo Cuevas presenta como adelantu del so próximu discu, ‘Manual de Belleza’ 
Trátase d’un EP de trés temes que pue sentise yá en toles plataformes musicales y que s’asoleya acompañáu d’una película musical de diecisiete minutos que recueye estos trés cantares. Musicasturiana.com
Yá ta equí ‘Llagares’, la película musical de Rodrigo Cuevas
Tres del preestrenu del martes nos cines Embajadores Foncalada d’Uviéu, tol mundu pue disfrutar yá de Llagares, la gran obra nueva que Rodrigo Cuevas presenta como adelantu del so próximu discu, Manual de Belleza. Trátase d’un EP de trés temes que pue sentise yá en toles plataformes musicales y que s’asoleya acompañáu d’una película musical de diecisiete minutos que recueye estos trés cantares.
‘Sácame a baillar’ -cola collaboración d’Ana Belén-, ‘Asturcón’ y ‘Una muerte ideal’ -na qu’andechen Mapi Quintana y el gallegu Grande Amore-, son los trés temes nuevos que’l «ministru de verbenes» llanza dempués d’avanzar en navidá’l single ‘Un mundo feliz’ xunto a Massiel. Nellos Rodrigo Cuevas vuelve a sorprender y amosar la so versatilidá; suenen influencies punk, electrónica, trap, pop y coral, ensin dexar tampoco de llau la música tradicional peninsular que forma parte del so ADN como artista.
En ‘Sácame a baillar’, Rodrigo Cuevas tira de pasudoble español y d’una potente sección de metales y rítmica pa cantar al amor. Xunto a él pon voz la mítica Ana Belén; toca la caxa’l multiinstrumentista Rodrigo Joglar; y, ente otros, graba los saxos Tino Cuesta, componente de la banda de Cuevas. Hai que sorrayar que nel videoclip nun apaez el tema completu por mor de qu’Ana Belén nun pudo participar na grabación y namás pue sentise’l fragmentu final de la so collaboración. Amás, na obra audiovisual apaecen componentes de la Banda de Música de Pravia y el percusionista Juanjo Díaz, que nun participaron na grabación del cantar.
«‘Sácame a baillar’ -cola collaboración d’Ana Belén-, ‘Asturcón’ y ‘Una muerte ideal’ -na qu’andechen Mapi Quintana y el gallegu Grande Amore-, son los trés temes nuevos que’l «ministru de verbenes» llanza dempués d’avanzar en navidá’l single ‘Un mundo feliz’ xunto a Massiel»
‘Asturcón’ ye un tema con una lletra n’asturianu dafechu na que Rodrigo Cuevas conviértese nun asturcón desbocáu de pasión. El pop, el mamarrachéu y melodíes de voz influenciaes una migaya pol trap -autotune incluyíu-, dan forma a esta composición musical na que l’artista indie Zahara participó faciendo les programaciones xunto a Eduardo Cabra -productor del discu y autor de la música d’estos trés temes-. El videoclip reflexa’l momentu más sensual de Llagares, con un Cuevas vistíu de bandoleru que queda en porrica y fai un tríu homosexual, anque rescampla que la lletra ta cantada a una «morena».
Un coru en llatín de Mapi Quintana -tamién componente de la formación del artista carbayón- abri ‘Una muerte ideal’, el cantar más diferente de tolos qu’asoleyó Rodrigo Cuevas hasta la fecha. El punk electrónicu marca’l ritmu d’esti tema que tien una divertida lletra inspirada na visión cola que reflexa la muerte’l llibru Te di ojos y miraste las tinieblas d’Irene Solá. El testu pon a facer pogu a El Presi, Rocío Jurado, Bisbal, Las Ketchup y hasta a San Pedru y nél collabora tamién l’artista gallegu Grande Amore cantando na so llingua materna. La coreografía del videu ye una creación de Pablo Dávila, tamién baillarín habitual de la banda de Cuevas qu’apaecen nel videoclip col nome colectivu de Las Perfectas.
Curtiumetraxe musical
Los trés temes de Llagares ven la lluz acompañaos d’una obra d’arte audiovisual creada por Jorge Rojas. El curtiumetraxe musical ye un homenaxe al programa de RTVE Cantares que dirixó Lauren Postigo en 1978 y pel que pasaron mítiques folclóriques españoles. La calidá, l’humor, la identidá asturiana y el trabayu colectivu definen a esta película musical na que, amás de Rodrigo Cuevas y parte de los músicos y baillarines que collaboran nos temes, apaez tamién la famosa actriz Rossy de Palma. Tamién ficiéronla posible 103 figurantes, xente del pueblu de L’Infiestu, y un llargu staff -que va dende «l’equipu de panoyismu» hasta responsables de producción- qu’andecharon pa crear una obra de más de quince minutos de duración, grabada n’analóxico en 16 mm y na que’l llagar de sidra Cortina de Villaviciosa conviértese en La Panoya Dorada
🎼 Cuando parecía que Rodrigo Cuevas (@rodrigocuevasg) había tocado el techo de su creatividad, vuelve a sorprender. El adelanto de su nuevo #disco, ‘Manual de belleza’, lo ha montado con el lanzamiento de todo un #cortometraje que incluye no una, sino tres canciones. Y es que, cuando seguramente todos sus fans esperaban, tras el lanzamiento del primer single, ‘Un mundo feliz’, con la mismísima Massiel, que siguiera el goteo de los próximos cortes, el músico ovetense dio a conocer en un pase para medios e invitados en los Cines Embajadores (@cinesfoncalada) el #videoclip ‘Llagares’, un divertido homenaje al mítico programa ‘Cantares’ de Lauren Postigo en el que interpreta ‘otres tres’ canciones de su álbum.
