Publicado en Centru Asturianu, Congresu, Emigración

V Congresu Mundial d’Asturianía, en Bonos Aires (Arxentina)

El xefe del Executivu empecipia mañana’l so primer viaxe a Arxentina y Uruguai para estrechar llazos cola emigración asturiana. L’axenda inclúi un alcuentru’l llunes, en Montevideo, col presidente uruguayu, Yamandú Orsi. Adrián Barbón va intervenir el miércoles en Bonos Aires na inauguración del V Congresu Mundial d’Asturianía, el foru sobro la diáspora que se va celebrar per primer vegada fora del Principáu. Actualidá /

El presidente del Principáu, Adrián Barbón, empecipia mañana’l so primer viaxe a Arxentina y Uruguai para estrechar los llazos cola emigración en dambos países y reconocer la contribución de los centros asturianos como nexu permanente ente Asturies y la diáspora.

Hasta’l próximu día 10, el xefe del Executivu va visitar dellos centros asturianos y va participar, el miércoles 7, na inauguración del V Congresu Mundial d’Asturianía, un foru que va axuntar a barganal d’un centenar de representantes de 35 centros y cases d’Asturies d’América y Europa na capital arxentina sol lema AsturiEs Plural.

Arxentina concentra la mayor colonia asturiana nel esterior, que suma casi 38.000 persones, y dispon de la rede más estensa de centros y cases d’Asturies fora d’España, 14 en total.

Pela so parte, Uruguai alluga una de les comunidaes asturianes hestóriques más actives d’América Llatina, formada por unes 3.200 persones. Anque’l so tamañu ye enforma menor que la esistente n’Arxentina, caltien un fuerte venceyu con Asturies.

La visita del presidente supon una oportunidá única para reforzar la relación coles comunidaes asturianes asitiaes al otru llau del Atlánticu.

Barbón empondera la herencia de la emigración
pa tresmitir Asturies «de xeneración en xeneración» 

El presidente del Principáu visitó’l Centru Asturianu de Lanús nel segundu día del so viaxe en L’Arxentina

El presidente del Principáu visitó güei’l Centru Asturianu de Lanús nel segundu día del so viaxe en L’Arxentina. Adrián Barbón vovió a emponderar el llabor de la emigración pa tresmitir Asturies «de xeneración en xeneración».

Barbón destacó’l simbolismu de que’l quintu Congresu Mundial d’Asturies seya per primer vegada fuera del Principáu y solliñó la relevancia de que Buenos Aires seya la ciudá escoyida pal alcuentru.

Na so opinión, sedrá una oportunidá pa reflexonar al rodiu del futuru de les comunidaes asturianes y el llabor que tienen que desempeñar les nueves xeneraciones.

Autor:

Maestra de Llingua Asturiana Colexu Carmen Ruiz-Tilve - Uviéu