Crítica de ‘Moza y Llobu’: Animación española col influxu Ghibli. L’influxu xaponés alviértese en ‘Moza y Llobu’, la película d’animación de Roc Espinet que primero foi cómic y por fin adquier movimientu y voz en pantalla grande. Nun niega’l so director que Hayao Miyazaki ta ende, qu’el Studio Ghibli déxase sentir na mirada esencial escontra la naturaleza y n’otros munchos elementos que s’espleguen pa cuntar la historia de Paula, una moza que pierde a los sos padres na viesca, que vive nun pueblu acosada, infeliz y esplotada nuna tabierna, hasta qu’un bon día un alcuentru con una menada de llobos acaba per camudar la so vida. Chica y Lobo
Cunta «el viaxe iniciático de Paula, una moza bien inocente y débil que vive víctima de bullying na so aldega.
Paula ye una adolescente cobarde que sufre acoso nel pequeñu pueblu onde vive hasta que l’apaición d’una ancestral menada de llobos, enfrentada dende tiempos remotos a los seres humanos, tresforma radicalmente la so esistencia. Atrapada ente dambos mundos, tendrá d’encarar un viaxe iniciático que la obliga a confrontar los sos mieos y a descubrir capacidaes que desconocía.
Ocurre la historia nun tiempu medieval, ye pura fantasía pa cuntar, ensin aforrara nin adulzar la violencia, l’enfrentamientu ente llobos y humanos, y tamién el de los mesmos humanos por facese col poder. Por eso, más allá de la historia, ta esa metáfora de cómo la moza acaba atopando la so menada, el so llugar nel mundu, y cómo la manera de rellacionase bien cola naturaleza pasa siempre por respetala.
Tou eso ta ende nuna cinta empobinada al públicu adolescente con una música que llena de maxa y guapura tol relatu y que cunta coles voces d’Anna Castillo y David Verdaguer.
La cenciella vida de Paula, vese alteriada pola sangrienta irrupción de los llobos. Una chispa enciende’l conflictu ente homes y llobos. Paula tien de trepar ente los dos mundos y pollo veráse envolubrada nuna trama d’aventures arrodiada de cazadores ensin alma, espíritos selvaxes y una raza de llobos más antigua que l’home.
