![]()
La sidra de xelu incorpórase a la DOP Sidra d’Asturies.. #SidraDeAsturias #SidraDeHielo #DOP #Villaviciosa #Asturias #TPA_CR
La sidra de xelu yá ta oficialmente incluyida na DOP. Tres el verde de lo natural y filtrao y la negra de lo esplumoso, la DOP estrena la so nueva etiqueta cobre pa la sidra de xelu. Más estilizada y pequeña, va decorar les nueves botelles d’esta mena de sidra que van llegar el próximu branu.
Una oportunidá d’asitiar la marca y tamién de llegar a nuevos mercaos gourmet y de restauración, que yá interesa y muncho a los llagares.
El Serida, que yá collaboró nel 2012 na investigación d’esta mena de sidra, xugó de nuevo un papel fundamental pa establecer les característiques técniques del productu y poder crear asina los pliegos.
Un procesu de concentración del mostu por conxelación que cada vez ye más demandáu, anque pel momentu la so producción ye más cualitativa que cuantitativa, con 50.000 botelles añales.
Con esta inclusión remátase un trabayu conxuntu ente’l sector y l’alministración per cuasi un añu.
