- Alborecemos col cielu poco noboso o escampláu ya con unes temperatures que tan alrodiu de los 11ºC, rexistrándose nel puirtu Payares 12,3ºC.
-
Güei vamos tener el cielu poco nuboso con unes temperatures que van camudar poco pa dexanos un ambiente mui afayaizu.
- Mañana martes alboreceremos col cielu mui nuboso y precipitaciones febles a primeres hores, remitiendo a lu llargu la mañana cola apertura de dellos claros o abancios nes hores centrales del día. Les temperatures en descensu, amás l’aire de componente noroeste pue soplar con raches moderaes nel llitoral y zones altes.
- El miércoles va tar poco nuboso o escampláu aumentando la nubosidá pela tarde con dalgo de nordés pela costa onde malpenes subirán les temperatures másimes, mentantu nel interior vamos tener un ascensu apreciable pero solo de les másimes, les mínimes descenderán por mor del cielu poco nuboso.
- El xueves nublará cola posibilidá de dalguna precipitación feble con un descensu moderáu de les temperatures que vendrá acompangáu col vientu de componente noroeste que pue volver a soplar con fuercia na costa y zones altes.
