La historia d’Heno de Pravia empieza n’Asturies, nel añu 1903. Salvador Echeandía Gal, empresariu y fundador de Perfumería Gal, viaxaba per Asturies cuando pasó pela localidá de Pravia. Ellí quedó cautiváu por un arume bien especial: el del segáu recién cortáu nos campos. Yera un golor fresco, verde, llimpiu y llixeramente duce, que remembraba la naturaleza, el sol y la yerba recién segada. Wikipedia / El País /
Aquella alcordanza inspiró-y una idea: quería consiguir qu’esi arume tan asturianu pudiera llegar a los llares de toa España. Dempués de dos años de trabayu y esperimentación, en 1905 nació Heno de Pravia, un arume que primeramente se comercializó en forma de xabón y qu’acabaría convirtiéndose nún de los arumes más reconocibles del nuestru país.
La historia del xabón de tocador más antiguu d’España que nació mientres un paséu pel campu. Perfumeríes Gal foi una empresa pionera polos sos productos d’hixene, un usu coraxosu del marketing y unes condiciones llaborales de les sos trabayadores con un marcáu calter progresista.
L’orixe míticu d’un clásicu de la hixene española
Cuenta la lleenda qu’en 1903, la persona que daría nome a Perfumeríes Gal, el vascu Salvador Echeandía Gal, caminaba pelos campos qu’arrodien al pueblu asturianu de Pravia, cuando-y asaltó’l embriagador arume del segáu recién cortáu. A partir d’entós, l’empresariu, que rexentaba dende 1887 una droguería nel númberu 2 de la madrilana cai del Arenal que cuntaba con un pequeñu llaboratoriu, empeñóse en crear un xabón de golor inspiráu naquel arume, de color verde como’l segáu frescu y envueltu en papel mariellu como’l segáu secu. Tres d’años esperimentando, la mítica pastilla de xabón salió al mercáu en 1905.
Sía comoquier, Heno de Pravia nun foi’l primer productu d’ésitu creáu por Gal, que vendía dende 1898 el Petróleu Gal, una loción a base de petróleu y esencies cítriques destináu a fortalecer el pelo y qu’el mesmu Salvador espublizaba llanzando octavielles en places de toros y otros llugares públicos con gran afluyencia d’homes de mediana edá.
L’apueste de Echeandía nun hai d’interpretase solo como una carta d’amor a Asturies, tamién foi un intentu de crear un productu comercial y algamadiza con posibilidaes de llegar a una nueva categoría de consumidores, pertenecientes a una floreciente clase media urbana que taba deseyando gastar el so dineru.
La publicidá foi, ensin dulda, otra de les grandes innovaciones de Gal y ún de los factores clave que fixeron que ganárase’l favor de los consumidores mientres más d’un sieglu.
Les primeres pieces publicitaries de la marca fueron encargaes al ilustrador A. Ehrmann, un xeniu del art déco. Más tarde, en 1916, la empresa convocó un concursu de cartelería al que se presentaron prestixosos artistes del momentu como Santiago Rusiñol, José Segrelles o Robert Martínez Baldrich. El ganador foi’l mozu Federico Ribas, que se convertiría de manera instantánea en Director Artístico de la compañía (la primer persona n’ostentar esti cargu nuna empresa del nuestru país) y que va definir la imaxe gráfica de Gal hasta los años 60, cuntando cola collaboración d’otros grandes ilustradores como’l pintor checo Alphonse Muncha.
https://historia.nationalgeographic.com.es/a/alphonse-mucha-gran-cartelista-art-noveau_17189
Podríen formulase munches teoríes sobre les razones de la supervivencia d’una marca que yá va años que pasó de los cien. A lo llargo del tiempu, Heno de Pravia amplió la so gama y actualizó’l so diseñu y inclusive la so imaxe, pero ensin dulda el so mayor aciertu foi, precisamente, el de caltener el so espíritu mientres más d’un sieglu nun momentu nel que la señardá y la pureza de los oríxenes coticen al alza. Y, amás, sabelo comunicar.


